METRO 豚骨 BASE

营业中

休息中

呢间拉面款式选择唔多，我同朋友都叫咗猪骨汤拉面，额外再加小食，就咁睇资料，间拉面舖头好似系同某烧肉店Crossover嘅，所以佢就主打烧豚肉拉面。拉面整体都合格，佢有张纸仔可以比你自己选择面嘅硬度，我拣咗正常，面质弹牙，软硬适中，汤底浓郁，猪骨味浓，而烧豚肉香口，肥瘦适中，不过我就略嫌个汤好杰身，好咸，搞到冇得一路食面一路饮汤。唯一想赞个糖心蛋，中间个糖心好靓，味道适中。叫拉面嘅时候可以加钱叫一人分小食，而我同朋友小食就叫左章鱼烧同炸鱿鱼须，正常发挥。整体觉得碗拉面偏向重口味，我觉得试吓就好了，下次唔会想再食。