大勝軒丸一 (金星閣) (已結業)

睇呢度之前啲食评 ， 都好同意几年前似乎转咗手 ，日本人师傅冇再喺度， 但味道依然好食， 重播放8 90年代嘅日文旧歌， 非常之有气氛。 几个月冇去食 ，但今日再去，已经变咗播普通话歌同埋旧嘅香港歌 ， 气氛极为奇怪， 师傅都变咗， 伙记又转咗人，menu都改左少少， 似乎又再一次转手， 变咗一间普通嘅香港扮日本餐厅。 首先叫咗大胜轩沾面， 个汤已经唔够热， 虽然有三嚿叉烧但系非常之肥，肥到都唔知点食 ， 同埋冇以前咁好食，梗系觉得个汤啲味争啲。以前啲水杯非常干净 ， 而家去饮水好似有洗洁精味添。 一直以来去大胜轩食沾面听日文旧歌愉快嘅回忆就咁冇咗，睇嚟以后都唔使再去 。