明記甜品 (吳松街) (已結業)

朋友知我钟意食糖水，所以同我食完晚饭之后就带我去食，虽然佢都未试过呢间，但系佢话听过喺佐敦附近最好食嘅中式糖水店。我哋两个叫咗个番薯糖水，同埋姜水汤圆丸。两个甜品我都觉得好冇诚意，番薯糖水啲糖水系冇番薯味，唔知佢究竟煲咗几耐，番薯亦都唔靓，糖水有少少甜完全冇番薯加甜呢个层次。姜水汤丸嘅姜水系冇乜姜味嘅，好听D就叫清，唔好听嘅就叫根本冇料到，好彩个汤丸都仲叫有少少味道。难为呢间咁嘅甜品店都仲有咁多人食，直情坐到出门口，系咪香港好嘅甜品舖真系咁难揾？