影片
更多
2021-02-19
228 浏览
疫情关系夜晚六点后只能外卖。在愉景湾北广场选择不多，见这餐厅装修不错，又心谂做越南菜嘅餐厅啲食物应该唔差得去边，应该冇问题啦。。 等咗三个字，见个店员不停包外卖好忙碌，都冇谂过会中伏。终于等到我果碗牛肉汤河，要求要多少少辣椒仔，侍应姐姐虽然忙但都好有笑容礼貌咁入去再另外装比我。返到酒店开黎食，牛肉仲有少少位系淡粉红色未熟透，由于汤同面系分开装，上到房个汤嘅热度唔足以再浸熟块牛肉，不过生生哋食落就更嫩滑有牛味。如果不喜欢生牛肉嘅朋友就要谂谂。然后，我开始试个汤河。。都唔敢相信自己嘅味觉，点解得啲白烚河粉味？明明个汤都有啲色。。我尝试捞匀啲个河粉同个汤，再试都系冇乜味，再净饮个汤都系好似水咁。。 搞到我都怀疑自己系咪有病。。 好彩另外喺第二度买咗啲寿司送咗几包寿司豉油，捞啲落个河粉先有返啲味，先可以啃多几啖。冇谂过一百蚊一碗汤河系咁麻麻。。早知买个杯面食算 ;( 第二朝喺酒店嘅自助早餐渌咗个汤面，当堂觉得劲好味
等咗三个字，见个店员不停包外卖好忙碌，都冇谂过会中伏。终于等到我果碗牛肉汤河，要求要多少少辣椒仔，侍应姐姐虽然忙但都好有笑容礼貌咁入去再另外装比我。
返到酒店开黎食，牛肉仲有少少位系淡粉红色未熟透，由于汤同面系分开装，上到房个汤嘅热度唔足以再浸熟块牛肉，不过生生哋食落就更嫩滑有牛味。如果不喜欢生牛肉嘅朋友就要谂谂。然后，我开始试个汤河。。都唔敢相信自己嘅味觉，点解得啲白烚河粉味？明明个汤都有啲色。。我尝试捞匀啲个河粉同个汤，再试都系冇乜味，再净饮个汤都系好似水咁。。 搞到我都怀疑自己系咪有病。。 好彩另外喺第二度买咗啲寿司送咗几包寿司豉油，捞啲落个河粉先有返啲味，先可以啃多几啖。冇谂过一百蚊一碗汤河系咁麻麻。。早知买个杯面食算 ;(
第二朝喺酒店嘅自助早餐渌咗个汤面，当堂觉得劲好味
张贴