影片
更多
2024-06-03
2319 浏览
原来K11开咗间太二，真系行过先知。冇去过大陆嘅太二，咁就入嚟试吓。汤底：果然名不虚传，好香好浓郁嘅汤底。𠮶种浓郁唔系好酸或者好辣，而系温和、唔霸道，但系又好够味。而且仲有好多芝麻粒，令到饮起上嚟渗透住粒粒芝麻香。系可以饮落口仲会忍唔住再饮几啖嘅汤底。鱼片：份量都OK够多，非常滑，冇骨。不过就偏软偏腍，用筷子夹，可能会整烂。酸菜：佢slogan 叫「酸菜比鱼好味」。我心谂点会呀？食咗之后又明白嘅。个卖点系在于佢系淡淡嘅酸味，再配以粒粒嘅芝麻香混起一齐。整体唔会太酸嘅感觉。脆豆腐：要加$20。冇特别。原来系硬硬地、似鱼片质感嘅「豆腐」。个人觉得普通，可以唔加钱嗌。红薯粉：都要加$20。质地都够弹牙烟靭。但系缺点系份量太少！加$20 ，先得好少红薯粉，有啲唔系好抵。另外仲有洛神花茶，啲陈皮又香又甜。好味。唔知深圳食系唔系平好多。但系当想食酸菜鱼嘅话，太二应该系香港我食过好满意嘅其中一间。唯一批评系红薯粉份量太少、「脆豆腐」似鱼片味道无聊。环境： ★★★★☆ 食物： ★★★★☆ 推介度： ★★★★☆
汤底：果然名不虚传，好香好浓郁嘅汤底。𠮶种浓郁唔系好酸或者好辣，而系温和、唔霸道，但系又好够味。而且仲有好多芝麻粒，令到饮起上嚟渗透住粒粒芝麻香。系可以饮落口仲会忍唔住再饮几啖嘅汤底。
鱼片：份量都OK够多，非常滑，冇骨。不过就偏软偏腍，用筷子夹，可能会整烂。
酸菜：佢slogan 叫「酸菜比鱼好味」。我心谂点会呀？食咗之后又明白嘅。个卖点系在于佢系淡淡嘅酸味，再配以粒粒嘅芝麻香混起一齐。整体唔会太酸嘅感觉。
脆豆腐：要加$20。冇特别。原来系硬硬地、似鱼片质感嘅「豆腐」。个人觉得普通，可以唔加钱嗌。
红薯粉：都要加$20。质地都够弹牙烟靭。但系缺点系份量太少！加$20 ，先得好少红薯粉，有啲唔系好抵。
另外仲有洛神花茶，啲陈皮又香又甜。好味。
唔知深圳食系唔系平好多。但系当想食酸菜鱼嘅话，太二应该系香港我食过好满意嘅其中一间。唯一批评系红薯粉份量太少、「脆豆腐」似鱼片味道无聊。
环境： ★★★★☆
食物： ★★★★☆
推介度： ★★★★☆
酸菜鱼
24 浏览
1 赞好
0 留言
张贴
