焰拉麵 (已結業)

元朗既日本料理愈来愈多, 但专门食拉面既无乜几多间. 对呢间舖头有印象系因为系对面马路行过时睇个舖名睇左好耐都唔太睇得出佢个字系写乜, 返黎系openrice查一查先知系个焰字. 之后亦无刻意留意呢间舖头. 年初二, 出外揾食想食日本野, 十居其九舖头都唔开, 行过教育路, 焰亦一样新春休市. 所以今日见已经年初八, 食评对佢评价又唔差, 咪去睇下使唔使等位啰. 未行到见一大班人系门口, 吓一吓. 咁多人既? 原来系等隔离酒泉, 系唔使等位下, 系bar 位坐低, 因为之前已系openrice 睇到佢有乜食, 所以都唔使点谂就点餐了~~~点了焰拉面 $58 赤焰 $68 配节日套餐 (加$20) 落单唔够三分钟, 汽水, 沙律同糖心蛋速速送达. 好快~~~. 但唔单止配料快, 连正餐都快, 第一张相我未映完, 都未拎起筷子, 碗拉面都跟住上埋, 呢样我感觉扣分了 快唔系唔好, 但前菜都无时间食就已经上左主打, 都唔知照食前菜先定食左正餐先结果为左避免碗面凉得快, 唯有食左面先食番配菜......主打焰拉面. 大大块日式义烧, 望落去边边肥肥地, 但食落口一啲都唔觉, 仲要