影片
更多
2017-04-02
1078 浏览
呢晚同爸妈黎食上海菜，见商场都系新装修，而呢间餐厅望落都好新派，座位宽敞，环境舒服，几适合同朋友或者家人聚餐倾计。陈年普洱、人参乌龙 (茶芥每位$8)同一般茶楼唔同，平时饮茶都系老豆话事，今次终于有得拣自己想饮既茶！系呢度每人都有自己既茶壶，可以根据自己口味拣选茶包，有普洱、人参乌龙、茉莉香片、铁观音呢四种选择。我自己拣左人参乌龙，甘甘甜甜，好顺喉。自制千层水晶肉 ($52)唔错既冷盘，水晶肉肉质松软，啫喱用上汤喂过，零舍有咸鲜味，点醋食十分开胃。虫草花雕醉鸡 ($72)鸡件份量颇多，而且啖啖肉！鸡肉肉质嫩而滑，一点肥腻都没有，绍兴酒味亦十分浓郁，仲有些少桂花味，酒香完完全全渗晒系鸡肉里面。魔鬼天使小笼包 ($58)白色既系天使小笼包，馅料有带子、猪肉同鱼子酱，配上黑鱼子，汤汁够多而且整体味道鲜甜，而黑色既系魔鬼小笼包，以墨鱼汁做皮，馅料有黑蒜同猪肉，口味比较香浓。天使同魔鬼小笼包有明显对比，颇具心思。山东一口牛肉包 ($42)包既外层煎得够香脆，牛肉松软而且惹味，不过如果包既粉浆无咁立口就更加好食。鳝糊上海粗炒 ($72)鳝糊肉质爽而鲜甜，粗炒用上够晒浓味既酱汁，配埋爽口芽菜，我同屋
陈年普洱、人参乌龙 (茶芥每位$8)同一般茶楼唔同，平时饮茶都系老豆话事，今次终于有得拣自己想饮既茶！系呢度每人都有自己既茶壶，可以根据自己口味拣选茶包，有普洱、人参乌龙、茉莉香片、铁观音呢四种选择。我自己拣左人参乌龙，甘甘甜甜，好顺喉。
自制千层水晶肉 ($52)唔错既冷盘，水晶肉肉质松软，啫喱用上汤喂过，零舍有咸鲜味，点醋食十分开胃。
虫草花雕醉鸡 ($72)鸡件份量颇多，而且啖啖肉！鸡肉肉质嫩而滑，一点肥腻都没有，绍兴酒味亦十分浓郁，仲有些少桂花味，酒香完完全全渗晒系鸡肉里面。
魔鬼天使小笼包 ($58)白色既系天使小笼包，馅料有带子、猪肉同鱼子酱，配上黑鱼子，汤汁够多而且整体味道鲜甜，而黑色既系魔鬼小笼包，以墨鱼汁做皮，馅料有黑蒜同猪肉，口味比较香浓。天使同魔鬼小笼包有明显对比，颇具心思。
山东一口牛肉包 ($42)包既外层煎得够香脆，牛肉松软而且惹味，不过如果包既粉浆无咁立口就更加好食。
鳝糊上海粗炒 ($72)鳝糊肉质爽而鲜甜，粗炒用上够晒浓味既酱汁，配埋爽口芽菜，我同屋企人都食得非常滋味，大大碟都比我地好快清晒。
红烧牛肉面 ($58)牛肉算入味，面质亦做得够爽，不过有少少碱水味。
芒果酒酿丸子 ($32)点完餐后，店员将呢个夹放系枱边，到我地想上甜品个时就比个牌店员。
平时传统既酒酿丸子，估唔到可以加入生果，食落又几清新。芒果鲜甜，丸子亦做得烟韧又有咬口，酒酿汤底可以更加浓烈，不过食完饭食碗甜品好满足！
总括黎讲餐厅环境舒服，菜色亦传统创新俱备，下次希望能够试下佢既招牌炖汤！
张贴
