瑰花甜戀愛甜品屋 (已結業)

暑假临近尾声，紧系要多d争取时间约吓朋友出黎食野吹水。原本约左佢系油麻地行街，行到攰攰地又见到店铺装修几舒服，就坐左入去食个甜品休息吓。我就叫左玫瑰梳乎厘伴雪糕。平时姜味、绿茶味、朱古力味嘅梳乎厘就食得多，玫瑰花味梳乎厘真系第一次听。对于玫瑰爱好者嘅我黎讲一定要一试。梳乎厘面头焗到焦脆，但系入面仲保留蛋白嘅湿润。食落真系有香甜嘅玫瑰花味。而旁边嘅士多啤梨雪糕配上玫瑰花瓣同新鲜士多啤梨，开胃又醒神。友人就叫左焦糖火焰香蕉雪山。卖相睇落几吸引嘅焦糖火焰香蕉雪山，味道除左用黎制造火焰嘅火酒外，都唔错嘅。面头一层烧到㶶㶶地嘅蛋白，切开之后就系令一个甜品世界。入面有蛋糕，云尼拿雪糕，用焦糖烧到香脆嘅香蕉，非常惹味。不过奈何，佢出面嘅酒精味真系太重，友人要避开黎食。真系食得几辛苦。