薄荷葉泰國菜

营业中

休息中

今晚我们去咗元朗剧院附近嘅「薄荷叶泰国菜」食晚饭！ 我们叫咗泰式生虾刺身、招牌火焰烧鸡、 泰式炸蚝、芭堤雅烧海虾、清迈蕉叶烧鱼、越式纸米卷、 厨师推介-春卷、肉碎生菜包同薄饼！ 泰式生虾刺身嘅卖相好吸引，生虾非常新鲜， 酱汁嘅味道调教得恰到好处，令生虾嘅鲜味更加提升， 鲜味十足！招牌火焰烧鸡嚟到嘅时候， 店员会喺人客面前倒啲酒落烧鸡嘅表面， 之后点火，烧完之后店员就会将烧鸡切件， 鸡肉有浓浓嘅酒味，皮脆肉嫩！ 清迈蕉叶烧鱼嘅表面烧得好香脆同有少少㶶， 但里面嘅鱼肉仍然相当嫩滑同充满浓浓嘅香料同蕉叶嘅香味！ 越式纸米卷嘅生菜好新鲜， 外面嘅纸米包好烟烟韧韧，口感好丰富！ 肉碎生菜包嘅肉碎有微微辣，相当惹味，生菜好新鲜爽脆！ 薄饼嘅饼质好松软，厚度适中， 就算唔加任何酱汁嚟食，都非常好味！系本人嘅必食推介！