嘗越

营业中

休息中

午饭时间，门口企满等外卖嘅人，堂食嘅话反而即刻有位，非常好彩！一埋位睇餐牌，见到食物选择众多，主要分为汤河、喇沙、捞檬同埋客饭，小小一间餐厅，估唔到午市都提供咁多种嘢食，真系唔话得！餐厅空间唔大，但枱与枱之间有一定距离，无好似其他餐厅咁局促，整体嚟讲坐得算舒服。最后拣咗生牛肉汤河($62)，跟一杯热饮，另加$5 配多2只炸鸡翼，成个set盛惠$67。汤河方面，汤底味道浓淡适中，河粉有少少淋；生牛肉份量略少，但肉质细嫩，味道唔错；炸鸡翼出餐时已经冻咗，好明显系炸定，但食落味道唔差，整体食物水平唔错，绝对值得一试。