薩莉亞意式餐廳 (已搬遷) 新店位置

呢日同屋企人黎呢度食饭，夜晚都唔算太多人。我地叫左一个意粉、一个饭、一个小食同pizza。都算唔错既，不过等食物既时间比较长。焗田螺个汁好香，系蒜蓉牛油汁既味道。田螺唔算太大旧，不过味道唔错既，好可口。不过呢个等左三个几字先黎。卡邦尼意粉意粉系好弹牙爽口，不过忌廉味好淡。都有烟肉、洋葱既。呢个就差小小啦。芝士蕃茄饭都几好食，芝士个味道同饭系几夹架。牛肉汉堡pizza好好味，个批好脆口。牛肉既份量算几多，芝士可以拉到好长。只系三十蚊一个，好抵食。点都有下次既，好抵食同份量都好合理。