尋味

营业中

休息中

「寻找」系一个过程，今日就由寻找一间隐世小店，继而寻找自己喜欢嘅味道，好味又难忘。呢间位于大围嘅寻味，主打川辣鸡煲、烤鱼同串烧，用多层次嘅味道深深吸引我哋嘅味蕾。藤椒鱼皮鱼皮非常爽口弹牙，带有藤椒香味，口感微辣，加上芫荽、云耳、芝麻，令香味更突出，非常醒胃。川味皮蛋流心嘅皮蛋蛋黄已经系赢在起跑线，加上麻辣同芫荽香味嘅点缀，确实开胃。夫妻肺片夫妻肺片可以话系川菜嘅代表食物之一。用上牛肚、牛舌作为材料，微辣香麻，更上青瓜一齐食，非常清新爽脆。烟肉车厘茄烧过嘅车厘茄同烧菠萝一样，甜甜酸酸好吸引！加上烟肉嘅咸香，味道非常丰富。肥肠鸡煲半只鸡有半只，份量十足，加上肥肠，又向丰富，越煮越香！鸡肉非常入味，肉质嫩滑；至于肥肠烟靭，索晒鸡煲嘅精华，食唔停口。女神柠檬茶，招牌鸭屎香柠檬茶怕辣又想食辣，最紧要就系叫返两杯嘢饮。女神柠檬茶粉红色，真系好啱各位粉色系女神打卡，味道系带有少少士多啤梨味，但系都完全冇盖过柠檬茶嘅味道，入面仲有蒟蒻唔系好单调嘅柠檬茶；至于招牌鸭舌香柠檬茶就啱晒一众男神，即场手打唔会太酸，同时又可以饮到香水柠檬嘅味道。