經典冰室

营业中

休息中

新开张，所以入去试一试，装修用返之前山葵大部份嘅材料，但系改装左，贴左新嘅墙纸、枱亦铺过晒新嘅贴（包左贴）、换左新既椅（怀旧椅）、环境都算干净、卫生都OK。我哋叫咗个芝士鸡扒滑蛋捞丁，另一个系厚切西冷牛扒烟肉配意粉。整体味道属于普通，芝士既汁无咩芝士味，好粉沟出黎既味，但确实系经典茶餐厅会整嘅味道。而厚切西冷牛扒并唔系厚切，系正常嘅厚度。黑椒汁够味，滑蛋整得好滑。所以味道系符合返餐厅个名，经典嘅普通茶餐厅既味道。店员都好有礼貌，虽然味道普通，但服务态度值得加分。