TUTTO by Habitu (已結業)

话说好耐都无食西餐，都系时候浪漫一下，于是周末就去左呢度食喇﹗新城市的Tutto﹗第一次试吧﹗环境很不错，座位够哂舒服，都几多老外0系度食饭添﹗饕口馋舌的我俩对呢餐好期待﹗先来一个八爪鱼沙律﹗睇相好似好大碟，其实细碟到一啖可以放哂入口﹗得0个三四片橙仔、菜又几片，八爪鱼薄如纸，无味有等于无﹗$38，边有咁行货架？揾笨程度有9.999999999﹗呢个系小吃拼盘，好似$128﹗火腿及沙乐美肠只有咸，一0的油脂香都无﹗三文鱼是超级奇怪地有骨定唔知有渣的，食家食到扁哂咀吐番出来﹗呢个最好味﹗是炸磨菇，入面酿左0的肉，咬落有菇香又好多肉汁，最好味﹗炸鱿鱼圈，不过不失﹗芝士青口，青口是超市廿蚊十只的青壳雪藏货﹗焗得过久，入口青口又硬又干........哭了﹗干煎虾，我都识整，虾未见爽口，普通得很﹗主菜来了﹗大虾露荀Risotto﹗完全没有芝士的香味，入口只是感到好饱好腻，汁太多0的饭好湿，食家吃了两口嫌佢太腻弃之﹗西餐的价钱算是平，埋单二百八，不过价钱平而质素味道差，食到西口西面，真系揾鬼去食，做过一次鬼真系怕黑了﹗更多相:http://hk.myblog.yahoo.com/smallsmal