影片
更多
2012-05-22
366 浏览
嚟过几次饮茶，除装修光猛干净，楼顶够高感觉舒适外，服务与点心都系好普通，今次系第一次食晚饭。酒楼人客三份二满，餐牌颇多特价𩠌，同老婆点咗成枱𩠌：足料无味精，就系要清淡嘛，好饮；肚爆都要饮呀(上)：上汤龙虾伊面，无乜味，但我话你知一大碟只卖$38嘅话，你仲会唔会炸形？(右)：海蜇拍青瓜，我好钟意食青瓜，此店海蜇尚够脆，而青瓜亦新鲜爽脆，好食(左)：泰式生虾，生虾新鲜但无虾味，而碟青色吓人嘅泰色辣汁就劲好味，点虾食甚至捞饭一流，价钱就平过泰菜店(中后)：菠萝古噜肉，肉系即炸，但骨多肉少，味道尚可。有$1一只鸡，劲抵食，但唔可以并龙虾伊面一齐叫。当晚系一个阿姐及一个约二＋出头男侍应负责我坐𠮶一带，阿姐睇得出有经验且勤力。但个哥哥仔可能新人，做嘢唔熟手，经常唔知佢想点，几次行过嚟无啦啦掂吓我张枱啲𩠌碟，但真系无啦啦，佢似梦游紧到茶壶开盖加水、骨碟虾壳满泻时，佢明明行过好认真咁望我张枱一轮后，竟然行咗去不过佢唔系泻膊唔做，因为好几次都系咁样，但当我出声时就如梦初醒似的即做；所以我话佢似梦游紧啰最后埋单成枱𩠌都只系$310，价钱抵但味道一般
酒楼人客三份二满，餐牌颇多特价𩠌，同老婆点咗成枱𩠌：
足料无味精，就系要清淡嘛，好饮；肚爆都要饮呀
(上)：上汤龙虾伊面，无乜味，但我话你知一大碟只卖$38嘅话，你仲会唔会炸形？(右)：海蜇拍青瓜，我好钟意食青瓜，此店海蜇尚够脆，而青瓜亦新鲜爽脆，好食
(左)：泰式生虾，生虾新鲜但无虾味，而碟青色吓人嘅泰色辣汁就劲好味，点虾食甚至捞饭一流，价钱就平过泰菜店
(中后)：菠萝古噜肉，肉系即炸，但骨多肉少，味道尚可。有$1一只鸡，劲抵食，但唔可以并龙虾伊面一齐叫。
当晚系一个阿姐及一个约二＋出头男侍应负责我坐𠮶一带，阿姐睇得出有经验且勤力。
但个哥哥仔可能新人，做嘢唔熟手，经常唔知佢想点，几次行过嚟无啦啦掂吓我张枱啲𩠌碟，但真系无啦啦，佢似梦游紧
到茶壶开盖加水、骨碟虾壳满泻时，佢明明行过好认真咁望我张枱一轮后，竟然行咗去
不过佢唔系泻膊唔做，因为好几次都系咁样，但当我出声时就如梦初醒似的即做；所以我话佢似梦游紧啰
最后埋单成枱𩠌都只系$310，价钱抵但味道一般
张贴
