影片
更多
2009-08-30
29 浏览
同好友罗莎庆生定必食日本菜，加上睇到食评，决定嚟试一吓。订位嘅时候要求坐window seat，呢个决定果然无错。虽然望落楼下有个空置嘅平台，加上两边有大厦阻挡，但总算清楚睇到对岸，在天清气朗嘅情况下，有尖沙嘴嘅夜景送饭确系赏心乐事。不过好奇怪，一般嘅日本料理会先上刺身、寿司然后至到熟食，好等食客嘅味蕾从淡到浓咁享受食物本身嘅真正味道。呢度就唔系，无分次序，感觉都几乱，而味道亦好坏参半。清酒煮大蛤（$68）— 每只蛤都大大只，几新鲜。马粪海胆（$100）— 虽然话系板装胆而并非新鲜一只只即开，胜在够新鲜甜美，正！矶烧饱鱼 — 酱汁较甜，加上鲍鱼无味又太绵，食咗都唔知系乜。如果有优惠券，一试无防。铁板大虾（$48）— 唔系肥到出哂膏𠮶种，都算新鲜爽口。串烧黑豚肉车厘茄、露笋卷（$18、38）— 露笋无惊喜，反而车厘茄嘅甜味好出。可能块黑豚肉比较薄，烧得较干，所以食唔到佢本身嘅味。北海道带子刺身（$26）— 唔系大只，但总叫ok新鲜甜美。鱼薄切（$48）— 入口起初无味，但入喉就感觉到淡淡鱼味。如果加上辣萝卜蓉同酱汁，鱼嘅鲜味即刻以倍数提升。鹅肝多士（$38）— 鹅肝够大件同厚身，入口即
不过好奇怪，一般嘅日本料理会先上刺身、寿司然后至到熟食，好等食客嘅味蕾从淡到浓咁享受食物本身嘅真正味道。呢度就唔系，无分次序，感觉都几乱，而味道亦好坏参半。
清酒煮大蛤（$68）— 每只蛤都大大只，几新鲜。
马粪海胆（$100）— 虽然话系板装胆而并非新鲜一只只即开，胜在够新鲜甜美，正！
矶烧饱鱼 — 酱汁较甜，加上鲍鱼无味又太绵，食咗都唔知系乜。如果有优惠券，一试无防。
铁板大虾（$48）— 唔系肥到出哂膏𠮶种，都算新鲜爽口。
串烧黑豚肉车厘茄、露笋卷（$18、38）— 露笋无惊喜，反而车厘茄嘅甜味好出。可能块黑豚肉比较薄，烧得较干，所以食唔到佢本身嘅味。
北海道带子刺身（$26）— 唔系大只，但总叫ok新鲜甜美。
鱼薄切（$48）— 入口起初无味，但入喉就感觉到淡淡鱼味。如果加上辣萝卜蓉同酱汁，鱼嘅鲜味即刻以倍数提升。
鹅肝多士（$38）— 鹅肝够大件同厚身，入口即有满足感。
野菜手打稻庭乌冬（$48）— 幼细、弹牙。
北海道牛奶巨峰布甸（$48）— 个名好吸引，卖相就好一般，胜在巨峰汁另上，咁就可以随住个人喜好增加甜味。
总括嚟讲，同三两知己坐低响舒舒服服嘅环境，唔使太昂贵嘅消费，又可以睇到海景，此餐厅可以系一个唔错嘅选择。
张贴
