Taste All Pate

营业中

休息中

呢间新开嘅餐厅，其实想试好耐，但系佢午餐只系开星期四至星期日，所以等咗一段时间，work from home 先至有机会抽时间尝试。星期五的午餐，店内已经有几位OL食紧，午餐选择都有几款：猪扒、牛肉、鱼，各样有啲，可以自由选择加埋甜品、沙律、汤，甜品又有款拣。先来嘅系一个沙律，蔬菜新鲜，沙律汁好refreshing，个重点就系上面的几粒面包糠，并唔系预先包装的沙律面包糠，好明显系自己用面包再烘，有诚意。之后我加咗一个南瓜汤，相当好饮，一定系自己整㗎。再上主菜，系梅子酱猪扒，猪扒煎得外脆，猪扒味浓，我唯一略嫌有少少熟咗啲，有少少干，但系我好钟意块扒有咬口，非常好味，配有醋汁洋葱及意粉。个意粉亦系一个重点，佢哋系用幼身意粉，煮得非常烟韧，每一条都有味道，并唔系普通用滚水渌熟嘅意粉，非常有诚意。猪扒配衬日本梅子酱，其实非常配衬唔油腻好开胃。成碟菜，其实有成四五种味道，每一种都好有特色，好食得出味道，赞！之后再加上甜品，系柠檬挞，简简单单，个curd 做得味道适中，个tart好脆亦好有味道。佢哋每三四个礼拜会转Menu，我谂我嚟紧每个月都会去一次食。