影片
更多
2019-07-17
1676 浏览
由于上次同朋友群聚开心到翻艇, 于是约定每个月一次群聚, 个个月都开心放松一下,今次㨂咗喜万年.如果系我搅群聚, 一定唔会去喜万年, 因为菜式价钱唔平, 我系穷鬼嘛! 而且群聚吹水为主, 唔洗食咁贵啫.不过由群主话事, 我只系柴娃娃搅事群友一名, 再加上有群友支助, 咁就唔同啰.群主发板有金牌烤乳猪, 莲子八宝鸭, 菘露芒果脆虾球, 家乡鸡蛋焗鱼肠, 笼仔荷叶蒸蟹饭, 香矛焗花尾龙趸球, 椒盐鲜鱿, 面酱炒通菜, 菜远牛肉, 姜汁炒芥兰.金牌烤乳猪 : 目测每一件都唔系好肥腻, 不过好似连肉都唔多, 不过最重要系皮脆, okay 啦.莲子八宝鸭 : 成班群友都话入口膻味重, 但我又食唔出㖞, 将只鸭起骨之后, 酿咗莲子, 冬菇, 咸蛋黄等配料, 我自己唔中意莲子, 所以食得唔多, 味道重手咗少少, 配料份量颇多无偷工减料.松露芒果脆虾球 : 芒果味盖过松露味, 虾球新鲜弹牙, 外皮酥脆, 够特别, 赞!笼仔荷叶蒸蟹饭 : 饭份量不足, 蟹味不足, 荷叶味不足, 失望菜式.香矛焗花尾龙趸球 : 龙趸肉香滑鲜甜, 系另一个欣赏菜式.椒盐鲜鱿 : 首先金黄色外表好吸引, 外脆内软, 水准之作
如果系我搅群聚, 一定唔会去喜万年, 因为菜式价钱唔平, 我系穷鬼嘛! 而且群聚吹水为主, 唔洗食咁贵啫.
不过由群主话事, 我只系柴娃娃搅事群友一名, 再加上有群友支助, 咁就唔同啰.
群主发板有金牌烤乳猪, 莲子八宝鸭, 菘露芒果脆虾球, 家乡鸡蛋焗鱼肠, 笼仔荷叶蒸蟹饭, 香矛焗花尾龙趸球, 椒盐鲜鱿, 面酱炒通菜, 菜远牛肉, 姜汁炒芥兰.
金牌烤乳猪 : 目测每一件都唔系好肥腻, 不过好似连肉都唔多, 不过最重要系皮脆, okay 啦.
莲子八宝鸭 : 成班群友都话入口膻味重, 但我又食唔出㖞, 将只鸭起骨之后, 酿咗莲子, 冬菇, 咸蛋黄等配料, 我自己唔中意莲子, 所以食得唔多, 味道重手咗少少, 配料份量颇多无偷工减料.
松露芒果脆虾球 : 芒果味盖过松露味, 虾球新鲜弹牙, 外皮酥脆, 够特别, 赞!
笼仔荷叶蒸蟹饭 : 饭份量不足, 蟹味不足, 荷叶味不足, 失望菜式.
香矛焗花尾龙趸球 : 龙趸肉香滑鲜甜, 系另一个欣赏菜式.
椒盐鲜鱿 : 首先金黄色外表好吸引, 外脆内软, 水准之作.
面酱炒通菜 : 通菜新鲜炒得入味, 而且用上我中意嘅细通叶品种, 唔错.
凉瓜牛肉 : 牛肉用上薄切, 另外炒出黎嘅凉瓜有少少甘味.
姜汁炒芥兰 : 经验告知, 姜汁炒什么什么菜式, 都系无咩姜汁味, 今次亦都唔例外, 而芥兰炒得够冧.
家乡鸡蛋焗鱼肠 : 点解黎喜万年迷底终于解开喇! 我曾经讲过好憎食焗鱼肠, 一上枱已经腥到核爆! 从未试过系街食焗鱼肠唔腥, 所以群主就带我黎见识吓, 今次焗鱼肠一上枱已经惊讶毫无腥味, 我特别无加胡椒粉, 都食唔出腥味, 掂! 不过.... 蛋就老咗D唔够滑啰.....
饭后感 : 味道质素高, 但好多菜式份量严重不足, 似上等人去嘅酒楼, 我哩D下等人都系中意去D性价比高抵食夹大件餐厅啱我身份.
张贴
