麵屋黑岩

营业中

休息中

一直都冇留意到原来深水埗大街有间咁有日本特色嘅拉面舖。今日同钟情食日本嘢嘅朋友行过，就决定入去试下。餐厅提供咗唔同嘅汤底，配料同埋面质，我同朋友分别嗌左两款唔同汤底同两款唔同叉烧。海老火炙叉烧拉面海老汤底鲜甜，配上超级多樱花虾，令食落每一啖都有劲大嘅虾鲜味。火炙叉烧肥瘦均匀，经火炙后变得更香口而且惹味，入口即溶。黑蒜厚切叉烧拉面浓郁嘅猪骨汤底加上黑蒜，令拉面刚上枱就香气扑鼻。 相比起火炙叉烧，厚切叉烧明显厚肉得多，但仍然肉质鲜嫩，咬落唔会有太干嘅感觉，而且非常够味。加上蒜泥份量适中，唔会盖过叉烧嘅味道，两者配合得好好。溏心蛋溏心蛋非常鲜甜而且滑溜 更有流心，加落拉面简直锦上添花。薯片鸡翼薯片鸡翼可以话系今餐最大嘅惊喜。本来谂住嗌余子食，但见到隔离两枱都嗌咗鸡翼，就决定试下。即叫即制，外脆内软，而且脆皮仲食到阵阵既薯仔味，口感非常特别。作为一间位处于深水埗嘅拉面店，食物味道超卓，而且价钱合理，诚意推荐。