牛品台式火鍋

营业中

休息中

一直以来都好钟意同一班friend嚟呢度食buffet，一直都好推介呢度，今次带咗同事嚟呢度用餐，连佢都对呢度赞不绝口我哋两个人食嘅系牛极品任食套餐，餐牌里面嘅嘢食系可以任点无限食到饱里面有各种肉类都好好味，要嘅汤底系佢哋嘅招牌麻辣锅，鲜辣味好浓烈，佢哋嘅猪五花同猪梅肉系上等嘅西班牙栗饲猪，可以明显食出同普通猪肉唔同嘅口感。然后牛肉呢度有肩胛肉同胸腹，胸腹肉好紥实，仲带有一啲油脂，口味好香，然后肩胛肉则好细腻，有相间嘅油脂同瘦肉，口感好丰富。食麻辣锅点可以少咗羊肉，麻辣锅可以充分盖咗羊肉嘅膻味，唔止可以享受到羊肉嘅香味，仲有富有弹性嘅口感，越咬越香。花雕酒鸡配麻辣汤底都系好正，淡淡嘅酒香再加埋麻辣嘅口感，香味四射，尤其最啱追求味觉嘅刺激嘅人嚟食。 除咗火锅配料，呢度仲有众多台湾当地小食可以任食，好似最地道嘅卤水猪耳，口感有咬口，仲可以品尝卤味嘅鲜香。烤椒皮蛋荳腐都系唔错嘅小食，荳腐嘅口感好软嫩，入口一咬就化，好好食。然后仲有少唔到嘅台湾香肠同炸地瓜条，香肠好有咬口，富有肉香，里面嘅咸味为香肠提升咗唔少风味，然后地瓜条炸嘅酥脆，好甜。呢度嘅buffet真系好抵食，真系好推介大家嚟呢度尝试