鮮芋仙 (已結業)

食完做冬饭行过呢间野竟然无人排队就决定走入去试下，其实想试好耐但系次次都人山人海咁样都系唔好搞我，今日终于试到。因为想食芋圆同烧仙草，所以就叫咗招牌仙草沙冰，佢入面就系芋圆加仙草冻再加个沙冰底。虽然要$45，不过又真系好大碗，芋圆都几烟韧Q弹，仙草冻好大旧，沙冰底其实系沙冰加仙草汁，如果唔够甜可以自己落糖浆，不过我觉得唔洗落糖浆都够甜。另一碗要咗芋薯圆红豆汤，佢入面最特别嘅系有一粒大粒嘅好似汤丸咁嘅丸子，外面系芋圆皮而入面嘅馅系芋头蓉，唔会太甜，几好味。红豆汤略嫌唔够浓，如果浓味D会更好食。