Suage北海道湯咖哩

营业中

休息中

脆嫩雞脾湯咖喱（$88）湯咖喱味道都ok 但唔算濃郁，佢主打用左好多香料，但食唔出咖喱層次，叫左5小辣都好似完全唔辣咁，呢個咖喱未必啱重口味人士。雞髀只有少部分邊邊位係焦脆，入面既肉質乾柴。咖喱既配菜係好食，南瓜好軟糯，同咖哩好夾，烏冬都好食，彈牙掛汁。炙燒豚角煮（加配$22）肉質肥美又夠入味，味道還好！但凍左，浸落湯度一陣先食較好炸蝦天婦羅（加配$22）炸得乾身夠脆，好食！整體個味道不過不失，個餸唔好揀雞髀更好，加上喺朗豪坊百幾蚊，咁既性價比可接受，如果唔洗排隊可以一試。