老馮茶居 (荃灣千色匯II)

平日去食午餐，谂住唔会好多人啦，点知都要排半个钟，入座计90分钟，仲只可以落单一次，唔可以加单，所以一路排队，一路谂埋食埋先得。茶居装饰得好特别，好有以前香港唔同铺头嘅装饰同特色，好有香港味。一般茶楼点心都有，可以满足一盅两件嘅酒楼瘾。牛栢叶平时酒楼会有萝卜垫底，但呢度无，真系全碟牛栢叶，份量足。咖喱鱿鱼流沙芋泥包靓靓紫色嘅表面，够软熟，芋泥唔会太甜，但未算好流沙，还好。牛腩肠粉牛腩好稔，牛腩汁好香又惹味，肠粉又滑，2者配合都好好。虽然我以为牛腩肠粉应该系里面包牛腩，而唔系表面，但都可以接受。如果唔使排队，可以再试。