School Food (已結業)

估唔到平日夜晚8点，想食既餐厅都有人排紧队，眼见依间餐厅出面冇咩人，就决定试依间~ 我地三个人叫左三重开心share拼盘(鸡翼，牛仔骨，猪肋骨，甜辣酱，蛋黄酱，蜜糖芥末酱)、 乌卒卒(墨鱼韩花卷)及厨师卡邦尼年糕~ 我觉得拼盘既鸡翼热辣辣，炸得都几脆，但味道冇特别之处~ 牛仔骨经过略炸，几香口，而且肉质都几滑及味道唔错~ 猪肋骨相对前两样比较失色，味道好普通~ 拼盘既薯条比较幼身，咬落去冇咩质感，而且味道好像少了一份薯仔味，而酱料以蛋黄酱比较好食~ 墨鱼卷外型整得几靓，好似有两朵花花咁， 食入口味道都唔错，但又未至有叮一声既感觉~ 卡邦尼年糕睇落去好似唔太大碟，但愈食愈觉得饱肚~ 味道其实几得意，好似西式同韩式既fusion菜，但年糕唔系太入味，反而d粉丝好入味，啖啖都有浓浓既卡邦尼味道~ 这间餐厅对于我黎讲系中规中矩，可试也可不试~