影片
更多
2021-05-19
195 浏览
满心欢喜见到新店，装修靓，仲要存theme，好期待。上午11:40到达，已经要排队，无所谓，话哂即叫即做，真的要耐心等候。等咗差唔多30分钟，入得。因为排队时有大把时间，所以坐低已经可以即叫得。点知已经有啲口味卖晒⋯⋯无问题，大家迁就啦。叫其他。等咗20分钟，终于有得食⋯⋯⋯一碗面。我哋一共叫咗3碗面、27只饺子、2杯豆浆、1壶荞麦茶。我哋4个人，边个食先好呢？再等10分钟，终于有1杯豆浆⋯⋯2分钟后，第二杯豆浆到。再过一阵子，’荞麦茶‘到嘞。咦？咁浅色嘅⋯⋯无所谓啦，等佢泡多一阵，可能就会浓啲。其他嘢陆陆续续到啦。面：同即食拉面无分别，除咗唔系自己煮同贵啲。饺子：啲皮确实好滑，大部分都足料，不过亦有‘啲料应该好矜贵’款式（order系三鲜，块皮包住几粒蛋碎）豆浆：白色嘅水加糖‘荞麦茶’：Highlight 到嘞。泡咗20分钟后仍然浅色，试味先⋯⋯咦，桂花茶味嘅。问下专业的server呢杯系乜茶？佢话系桂花茶嚟嘅。我话唔好意思，我叫荞麦茶，可以check单换过嘛？佢再话‘吓。其实系有桂花唧’。我话‘唔系呢，无荞麦味’。佢转身同supervisor讲‘个客话已要换荞麦茶’。点知super
等咗差唔多30分钟，入得。因为排队时有大把时间，所以坐低已经可以即叫得。点知已经有啲口味卖晒⋯⋯无问题，大家迁就啦。叫其他。
等咗20分钟，终于有得食⋯⋯⋯一碗面。我哋一共叫咗3碗面、27只饺子、2杯豆浆、1壶荞麦茶。我哋4个人，边个食先好呢？
再等10分钟，终于有1杯豆浆⋯⋯2分钟后，第二杯豆浆到。再过一阵子，’荞麦茶‘到嘞。咦？咁浅色嘅⋯⋯无所谓啦，等佢泡多一阵，可能就会浓啲。其他嘢陆陆续续到啦。
面：同即食拉面无分别，除咗唔系自己煮同贵啲。
饺子：啲皮确实好滑，大部分都足料，不过亦有‘啲料应该好矜贵’款式（order系三鲜，块皮包住几粒蛋碎）
豆浆：白色嘅水加糖
‘荞麦茶’：Highlight 到嘞。泡咗20分钟后仍然浅色，试味先⋯⋯咦，桂花茶味嘅。问下专业的server呢杯系乜茶？佢话系桂花茶嚟嘅。我话唔好意思，我叫荞麦茶，可以check单换过嘛？佢再话‘吓。其实系有桂花唧’。我话‘唔系呢，无荞麦味’。佢转身同supervisor讲‘个客话已要换荞麦茶’。点知supervisor好劲咁好快话‘呢杯系桂花茶，一睇就知’⋯⋯佢就系无听清楚佢个讲乜⋯⋯我嘅回应系‘系呢，我叫荞麦茶，呢杯桂花茶，麻烦帮我换’⋯⋯supervisor话‘吖，睇真啲，系我哋加咗桂花比你杯荞麦茶，其实系荞麦茶’。我话‘唔系呢，成杯桂花味，无荞麦味’⋯⋯佢有佢继续推搪，我开始黑面，继而放弃，佢就悔气地话‘唉，算嘞，我换比你’。我坚持话唔驶，‘既然你一路系话我饮唔出，系我问题’。
其实一杯嘢$28，你换比我而假设真系我味觉有问题，咁你都系$28，做乜要咁呢？之后一路礼貌态度都好冷淡。
只此一次，下不为例！
张贴