風雲丸 (已結業)

老公好钟意食拉面同沾面，今次我哋去咗风云丸 ，环境都系好日本风格，好有FEEL呀!! 但其实每次老公提议话系拉面/沾面，我都会有少少担心。因为怕汤底太浓，惊阿女唔啱食。点知今次呢间拉面店，仲有儿童餐提供。亦好窝心，同样都有拉面或沾面儿童餐。一份儿童餐，有杯鲜榨橙汁，埋单嘅时候仲有玩具送。重点系，儿童餐嘅汤底味道会淡一啲，唔需要担心小朋友食会太咸太浓味~面底方面，仲有得拣并200g/大盛300g/特盛400g/富士山盛800g。我点咗豚骨鱼介味玉沾面，即系多只蛋嘅面。不过，我个汤唔系几够滚，呢方面有少少失色。而老公就点咗肉盛豚骨鱼介沾面，因为惊唔够肉食，想嗌个劲嘅分享。不过，原来唔需要拣肉盛都好够食，因为块块肉都好厚切，好似五花腩咁~呢到仲有唔少小食，都几多嘢食拣。不过，我哋食咗200g沾面，都已经好饱了!! 有机会下次再试其他嘢食，整体上汤底唔算油，味道到够香浓。