影片
更多
2020-07-27
3739 浏览
因为有要事一早过嚟尖沙咀海港城一趟，所以，事先揾咗个地方可以食早餐，打打趸，又想试吓啲未去过嘅餐厅，故此，拣咗由台湾过嚟嘅「翰林茶馆」。由于喺一大清早，隔几个铺位又有家「大家乐」，所以，餐厅得我一个客「包场」。其实，如果坐满人嘅话，实际上喺几逼吓。从外面已经见到店内地方唔大，但装修几骨子企理，最杀食喺对住海景，就算无落地大玻璃，天然光嘅透入，已让人感觉宁舍醒神。虽然店名叫茶馆，但唔喺净卖茶饮，亦会提供啲台食，当然，应以茶饮为其亮点。而早餐嘅款式唔太多，初时谂住试试蛋饼，不过，最后见张餐牌嘅粢饭几好样，就改咗，当然，实物嚟到就唔喺咁啦。顺带一提，虽然无咩服务可言，但早餐时段都一样收加一服务费，要留意喔！粢饭 + 铁观音奶茶 $30好似三文治嘅粢饭，色淡淡嘅铁观音奶茶，以木托盘盛上，感觉喺有几分雅气。粢饭话时话，都好似好耐无食过粢饭喇！有别常见嘅长条圆柱形，而喺包到成件三文治，中间夹咗啲猪肉松、榨菜及油炸鬼，睇落好似好多，其实得薄薄一层，味道都OK嘅，不过，男生食嘅话真喺有啲唔够饱。铁观音奶茶虽然都喺叫奶茶，但唔好用港式茶奶去比较，根本喺两样嘢，唔喺𠮶种浓香、幼滑嘅感觉。入口，其实喺茶味淡
由于喺一大清早，隔几个铺位又有家「大家乐」，所以，餐厅得我一个客「包场」。其实，如果坐满人嘅话，实际上喺几逼吓。从外面已经见到店内地方唔大，但装修几骨子企理，最杀食喺对住海景，就算无落地大玻璃，天然光嘅透入，已让人感觉宁舍醒神。
虽然店名叫茶馆，但唔喺净卖茶饮，亦会提供啲台食，当然，应以茶饮为其亮点。而早餐嘅款式唔太多，初时谂住试试蛋饼，不过，最后见张餐牌嘅粢饭几好样，就改咗，当然，实物嚟到就唔喺咁啦。顺带一提，虽然无咩服务可言，但早餐时段都一样收加一服务费，要留意喔！
粢饭 + 铁观音奶茶 $30好似三文治嘅粢饭，色淡淡嘅铁观音奶茶，以木托盘盛上，感觉喺有几分雅气。
粢饭话时话，都好似好耐无食过粢饭喇！有别常见嘅长条圆柱形，而喺包到成件三文治，中间夹咗啲猪肉松、榨菜及油炸鬼，睇落好似好多，其实得薄薄一层，味道都OK嘅，不过，男生食嘅话真喺有啲唔够饱。
铁观音奶茶虽然都喺叫奶茶，但唔好用港式茶奶去比较，根本喺两样嘢，唔喺𠮶种浓香、幼滑嘅感觉。入口，其实喺茶味淡淡，少少铁观音嘅幽香，不过，加咗奶之后，感觉麻麻，只可以讲，唔喺自己喜好嘅类型。
本来一心嚟试吓新嘢，但就肯定喺跟预期有好大落差。怪不得，隔几个铺位嘅「大家乐」就企住唔少人等外卖，但「翰林」呢，由坐低到食完埋单，过程大概近半小时，喺再多一个客（计埋外卖）都无。
张贴
