一風堂 (新港中心) (已結業)

试业期间帮趁, 有河原成美坐镇, 味道应该唔会同日本差很多.叫左赤丸新味, 同猪颈肉, 本黎想叫埋半熟蛋但系卖晒.赤丸新味吃唔出同日本有乜唔同, 但略嫌肥左少少. 而猪颈肉就唔知系咪食惯香港/泰国 style, 佢系白雪雪的, 无烧过. 味道尚可.反而服务就有改善空间. 好多时侍应出入厨房, 都会学足日本咁嗌一句日文, 但系佢地真系嗌出声就算, 果句都唔知系讲乜.另外就系埋单安排, 日本一般系好似香港茶餐厅咁拎单出去埋, 而香港亦都系放左张单系台面, 点知我行到中途有侍应话 "系度埋就得", 但系只系差几步就到收银. 咁我究竟应该行返埋位定系点呢? 个侍应搅到我好尴尬, 好似佢捉到我地食霸王餐咁.之但系门口 reception 个女仔又好好人, 又问好唔好食, 又记得我之前太早黎未开摸门钉. 加上系 Facebook 反映左问题佢地都乐意聆听及改善, 唔似得某 D 餐厅咁掉返转头闹客. 所以服务方面我相信佢地慢慢会做返好.不过坦白讲, 个人觉得一风堂比唔上一兰好食, 可惜香港冇分店.