SOLO UDON ソロうどん (已結業)

餐厅系用自助式点餐，界面都易用，亦会有店员辅助你用，舖头入面系单人座，如果同朋友食饭倾偈就会冇咁方便。讲返食物，叫咗一碗鸡白汤叉烧乌冬同加咗份天妇罗炸虾（2只）。鸡白汤味道不错，入口都饮到鸡汤香，亦唔会太稠令到食落好滞；叉烧略嫌薄咗啲，但食落有猪味，亦唔鞋身同唔会太肥太油腻；但乌冬却令人失望，完全唔弹牙，唔讲都唔知系乌冬。至于炸虾都几香，系唯一嫌炸粉太薄，同35蚊2只有啲太贵，虾又唔系大只。味道整体都OK，面88蚊，炸虾35蚊，埋单123蚊又食唔饱有啲唔抵。食量大啲嘅朋友嗌中size应该唔会够饱，嗌大要加10蚊，个人觉得偶尔食一次就OK。