小王牛肉麵

营业中

休息中

周末黎荷里活广场，经过好耐都无食嘅小王牛肉面，就心思思想食台湾野。 记得好耐之前都有食过，不过𠮶阵食肉燥饭，觉得麻麻地。所以今次就决定试下佢啲面。食面嘅话会有另一张分开嘅餐单。值得一赞嘅系好似食日本拉面咁自己可以拣面嘅软硬度同埋其他配料(芫荽，葱，酸菜)。面条有得拣幼面/粗面，菜就有得拣高丽菜/小棠菜。我就拣左原汁牛肉面，配粗面同高丽菜。啲粗面几正，最中意食依种宽面，挂住汤汁。个汤底一饮落就有药膳嘅味，反而觉得如果个汤嘅牛肉味再重啲就好。牛肉有4-5块，煮得好淋，而且唔会好似香港好多食台湾野嘅餐厅咁比牛展。 对我黎讲依个面味道ok, 食完都够饱。个面单点无包野饮系$55。虽然无野饮而且又要再加一，不过同其他台式餐厅嘅牛肉面比又唔算系好贵。