四川重口味

营业中

休息中

预先系OpenRice订咗枱,去到同职员只系讲咗句订咗枱,check都唔洗check就叫我上楼上…今晚无其他booking?楼上得一个侍应,全程得佢一个招呼客人,但眼见已有5枱客,所以上菜好慢!我哋叫咗香辣烤鲈鱼锅(少辣)、大盆咸肉菜花、口水鸡(少辣)、酸梅汤同桃胶冰粉。烤鱼少辣辣度刚好,内有不少芽菜、海带、豆卜同莲藕喺底，好味😋大盆咸肉菜花,好重孜然粉,好野味,成盆最快食哂。口水鸡少辣略嫌唔够味,下次可试中辣。鸡肉好滑,好大只,食唔哂最后要打包。酸梅汤好饮,唔太甜又够酸,够哂解渴。桃胶冰粉就好一般,得好少好少桃胶,而且唔够冻。