影片
更多
2005-07-13
7 浏览
原本念住去Munch, 点知因无订位(失策)而要坐贴住门口的座位, 决定放弃~ 男友话不如去诺士佛台睇睇, 穿过美丽华商场时见到呢度, 即管试试~呢度环境阴阴暗暗的, 每台都有一小个蜡烛仔, 气氛尚何. 一坐低, 侍应都好快兼有礼送上两杯水及餐牌, 唔错. 原来我想拣"翡翠"餐(因有5个头盘+汤+1主菜), 就在此时, 有个女侍应提议可试佢地一个精选餐(包5个头盘+2汤+2主菜+2甜品+2餐茶), 其中一个主菜系龙虾扒并乜乜薄饼之类, 咁我地见同散叫好似差唔多, 咪就呢个餐啰... 点知就出事...先来两个"餐包", 系山X出品的芝士麻糬波波, 热辣辣, 好好味, 但亦好细个.一人一个汤, 龙虾汤& 露荀蟹肉汤, 后者较好.头盘上场, 分别系酿蟹盖, 白玉鱼冷面, 鹅肝炖蛋, 煎珍宝蚝同埋轻煎吞拿鱼蕃茄他他. 每个的份量只系一人份量, 虽然味道OK, 但话晒都系二人餐丫, 点可能每样只系一件架... 到主菜, 都系唔驶讲, 份量好细, 龙虾肉有味但有少少"un", 反而个薄饼(卷住一D蔬菜加沙律汁)几好味. 另一个主菜我地拣"鹑春", 点知来到只"鹑春"只有我两只手指公并埋咁细
呢度环境阴阴暗暗的, 每台都有一小个蜡烛仔, 气氛尚何. 一坐低, 侍应都好快兼有礼送上两杯水及餐牌, 唔错. 原来我想拣"翡翠"餐(因有5个头盘+汤+1主菜), 就在此时, 有个女侍应提议可试佢地一个精选餐(包5个头盘+2汤+2主菜+2甜品+2餐茶), 其中一个主菜系龙虾扒并乜乜薄饼之类, 咁我地见同散叫好似差唔多, 咪就呢个餐啰... 点知就出事...
先来两个"餐包", 系山X出品的芝士麻糬波波, 热辣辣, 好好味, 但亦好细个.
一人一个汤, 龙虾汤& 露荀蟹肉汤, 后者较好.
头盘上场, 分别系酿蟹盖, 白玉鱼冷面, 鹅肝炖蛋, 煎珍宝蚝同埋轻煎吞拿鱼蕃茄他他. 每个的份量只系一人份量, 虽然味道OK, 但话晒都系二人餐丫, 点可能每样只系一件架...
到主菜, 都系唔驶讲, 份量好细, 龙虾肉有味但有少少"un", 反而个薄饼(卷住一D蔬菜加沙律汁)几好味. 另一个主菜我地拣"鹑春", 点知来到只"鹑春"只有我两只手指公并埋咁细, 搞错!!!!
好快扫晒D食物(想慢都难, 每人一啖都食晒) 侍应示意可拣甜品, 今次学精了先问清楚呢个餐拣可几多款, 佢答两款, 于是要左Tiramisu 同浓味朱古力蛋糕. 两款蛋糕分别有香槟杯奉上, 如乒乓球的大小, 味道几好, 个人较钟意朱古力蛋糕.
食晒全个餐, 估唔到最好食系个包同蛋糕, 但可能份量细的关系(又或是我大食?), 完全唔觉饱呢...
后话: 埋单$298+10%. 我发觉今次笨了, 呢个价钱可叫两个""翡翠"餐($148@), 即系话有成十个头盘啦, 而且都有两个主菜(分别可能系无得拣龙虾), 咁样起码可试多两样嘛~~ ><"""" 下次当侍应向大家"推介"这个餐的时候, 不妨考虑清楚先呢!!
张贴