THAIPEI (已結業)

湾仔返工lunch当然要周围觅食，见到呢度开咗间新嘅泰加台式餐厅，佢叫做Thaipei餐厅装修得几好，光光猛猛，但系入面就唔大。由于新开所以唔算多人，入到去午餐餐牌选择都唔算好多，大概有六款左右。午餐唔包餐饮价钱已经系60至90蚊左右， 相对地贵，最平嘅系饺子，一般嚟讲都未必会叫，因为唔够饱，所以平均价钱都要与70至80左右。叫咗招牌泰式船面，因为呢间都几泰式风味，而且我觉得佢泰式风味比台式风味更浓厚，所以就试下呢度嘅泰式嘢。船面个汤好香浓，真系富有泰式风味味道唔错，而且汤嘅香料配菜都好似泰国当地食嘅一样，汤粉配美国牛肉都算系几厚几香牛肉味， 而且仲有猪肉丸，开头以为唔多但系食落份量都ok其实呢间食物味道ok，但系午餐唔包餐饮要另外加钱，加完之后大概一百蚊左右一个午餐，真系有好多其他选择。