Gastrobox by Okapi Cafe (已結業)

朋友生日，谂住入西贡静静地避世庆祝，见呢间门面ok 好似几多好评，点知理想与现实往往不符。铺面好细，但枱又好迫，订枱𠮶时见到价钱定位仲谂住环境应该ok, 有点失望但都算啦香港有边度食野唔迫。干邑龙虾汤，味系ok 但太稀唔rich等左一个钟左右，"五成熟" 嘅西冷扒，尾𠮶边完全系十成熟，火喉控制明显唔得。味就ok嘅，觉得有啲浪费咗块扒。(隔离枱都叫左，叫三成熟但仲熟过我𠮶块，因为张枱太近所以睇到）另外叫左两个side dish, 薯条同埋杂菌，因为毫无特别所以冇影，而side dish 系等左个半钟先黎，扒都食完啦。最后就系等左个半钟先到嘅鹅肝意大利饭，公道啲讲，份量足味道都唔差，只系等左太耐乜胃口都冇。老实讲，呢个价钱我唔会expect 咁嘅服务，成餐饭冇人主动加水，追单佢地嘅态度亦唔好。冇错去西贡想慢活，但等个半钟先黎个饭系接受唔到，而环境亦系坐得唔舒服唔可以好好倾计。我明weekend 会忙，唔够人手，咁就唔好塞咁多位啦，辛苦自己辛苦客人。咁嘅价钱咁嘅环境态度，冇下次。