影片
更多
2020-12-23
1751 浏览
🎶又到圣诞！又到圣诞！圣诞最岩系食咩啊？对港女一族来讲就梗系high tea啦！今次熊妹就拣咗《Conrad Hotel》大堂嘅圣诞冬日下午茶同猫妹感受下节日气氛，迎接圣诞啦！📌喺「Pacific Place」3楼LV附近嘅升降机大堂搭lift就可以上到去《Conrad Hotel》嘅lobby lounge。📌Lobby lounge 环境都几阔落，有梳化位、二人枱同四人枱，灯光暗暗地💡，以古典优雅风为主。📌圣诞就到，周围环境都布置上圣诞装饰，红红绿绿劲有圣诞气氛🌺。📌睇吓呢个节日下午茶Menu先，都几多嘢食㖞！有三文治、咸点、甜点、松饼同饮品，$558两位，五星级酒店🏨出品，价钱绝对🈴理啦！📌英式下午茶以传统的三层圆架呈上，非常切合酒店嘅古典欧式风味。上层-甜点层上层多数为甜点层。Christmas Cookies（左一）圣诞主题就梗系唔少得圣诞曲奇啦，图案就由圣诞经典标志-圣诞老人同圣诞树担当代表。牛油曲奇🍪几脆口，唔系松化𠮶种，牛油味都重㗎，面头嘅糖霜就预咗甜啲啦，主要都系用嚟画出圣诞树🎄同圣诞老人🎅。Mince Pie （左二）呢款Mince Pie 🥧唔好以为系肉馅，系甜点
🎶又到圣诞！又到圣诞！圣诞最岩系食咩啊？对港女一族来讲就梗系high tea啦！今次熊妹就拣咗《Conrad Hotel》大堂嘅圣诞冬日下午茶同猫妹感受下节日气氛，迎接圣诞啦！
📌喺「Pacific Place」3楼LV附近嘅升降机大堂搭lift就可以上到去《Conrad Hotel》嘅lobby lounge。📌Lobby lounge 环境都几阔落，有梳化位、二人枱同四人枱，灯光暗暗地💡，以古典优雅风为主。
📌圣诞就到，周围环境都布置上圣诞装饰，红红绿绿劲有圣诞气氛🌺。
📌睇吓呢个节日下午茶Menu先，都几多嘢食㖞！有三文治、咸点、甜点、松饼同饮品，$558两位，五星级酒店🏨出品，价钱绝对🈴理啦！
Afternoon Tea Set
$558
75 浏览
0 赞好
0 留言
上层
46 浏览
0 赞好
0 留言
上层多数为甜点层。
Christmas Cookies（左一）
圣诞主题就梗系唔少得圣诞曲奇啦，图案就由圣诞经典标志-圣诞老人同圣诞树担当代表。
牛油曲奇🍪几脆口，唔系松化𠮶种，牛油味都重㗎，面头嘅糖霜就预咗甜啲啦，主要都系用嚟画出圣诞树🎄同圣诞老人🎅。
Mince Pie （左二）
呢款Mince Pie 🥧唔好以为系肉馅，系甜点嚟㗎，用上嘅系提子干啊苹果蓉玉桂味嘅甜馅，煮溶咗嘅甜馅味道都几甜。仲有一支好细支嘅吸管，可以个人喜好唧上一啲云呢拿汁，提升少少奶油味。
30th Anniversary Cake - Chocolate & Clementine Crunchy
哗!冇谂过有《Conrad Hotel》经典蛋糕，上面一层系好浓郁好软滑嘅朱古力层🍫，下面就带有少少柑橘脆脆，味道都几夹，不过都几甜下。
仲有圣诞树🎄朱古力做装饰，好xmas feel呀！
Chestnut Mont Blanc
仲有圣诞吊钟嘅栗子挞，真系好切合圣诞主题。
迷你嘅圣诞吊钟🔔就系朱古力牌，栗子挞细细地一件，一啖摆入口啱啱好，牛油挞皮脆脆地，中间栗子馅🌰唔系好甜又唔系好腻。
Old English Fruitcake
竟然仲有传统嘅英式水果蛋糕，个Tea set真系好欧陆英式下午茶格。
传统蛋糕🍰系预左比较偏甜，感觉上落咗成斤糖，啲水果干又系比糖水浸过，成件事就净系得个甜字啦。
中层
35 浏览
0 赞好
0 留言
中层为三文治层，比较饱肚。
Roasted Turkey & Cranberry Cream - in mini Brioche（左）
咸咸嘅火鸡卷混合甜酸嘅红莓酱，夹杂系松软嘅面包中间，非常经典嘅一款英式小食🌮。
Smoked Salmon & Watercress - in whole wheat bread（中）
本身咸咸地，烟熏嘅三文鱼同水田芥菜配合埋一齐，感觉有点咸，麦包就好软熟。
Cucumber & Cream Cheese - in white bread（右）
薄薄嘅青瓜片，涂上忌廉芝士，再配合白面包，简单清爽又饱肚的三文治🥪。
下层
30 浏览
0 赞好
0 留言
下层为饱肚层嘅咸点层。
Homemade Sausage Roll
英式经典嘅酥卷-肉卷，外层酥皮好松化，内里免治肉碎粒粒咸咸地，最好就系点茄汁食。
Foie Gras & Pistachio Bon Bon
又黎喇！熊妹最讨厌的鹅肝又出现喇！今次比较好系外面铺满开心果粒粒，包裹住成粒鹅肝粒，中和返少少内脏嘅味道，熊妹试左一啖，点都系顶唔顺，益晒猫妹。
Truffle and Mushroom Duxelles Vol-au-Vent
又一经典英式小食-黑松露蘑菇酥盒。黑松露味唔算太重，内馅蘑菇粒粒🍄都唔少，外皮酥皮放凉了都好松脆，牛油味🧈唔算太香，整体味道都唔错。
Scones
30 浏览
0 赞好
0 留言
超级开心，有四件英式松饼，有牛油同埋提子干味每样每人一件。
《Conrad Hotel》做嘅英式松饼都几唔错，牛油味道重🧈，质感都松化，放凉左都仲系几好味，熊妹都系钟情有提子干款，因为有少少甜味再提升牛油嘅奶油味道。
啖啖的clotted cream都系熊妹嘅至爱，不过一碟仔太少喇，得一啖就食完，熊妹同猫妹喺refill左四次先满足到叹英式松饼配奶油忌廉嘅美味口感。
Warm Christmas Pudding with Eggnog Sauce
21 浏览
0 赞好
0 留言
呢款圣诞布甸🍮，其实系外型比较似布甸，口感似食紧肉桂提子干蓉，再淋上经典圣诞奶酒🍸，添多一份奶油香味，虽然味道都偏甜，但食下食下都接受到。
French Earl Grey
24 浏览
0 赞好
0 留言
茶款都用上非常精致嘅银器茶具，即使净系躯躯用一个茶包都已经提升左成件事嘅价值。
熊妹拣咗经典的法式伯爵茶🍵，独特嘅味道配上各款咸点甜点小食，可以消消济，清清口腔味道。
Afternoon Tea Set
47 浏览
0 赞好
0 留言
24 浏览
0 赞好
0 留言
张贴
