影片
更多
2014-04-23
1675 浏览
一月底o既星期六下午,原本想到九龙城街市o既乐园午餐,坊间有个传说,要去乐园食野o既人,头一两次去到都会遇上店舖关门,我当日2pm 前去到,佢地竟然话就快关门,唔再做生意记得当时新闻话,九龙城一间有65年历史o既添财记就快结业,将会有好多街坊排队帮衬,可能系上天o既安排,去乐园冇得食午餐,梗系叫我黎呢间做埋之后一日就光荣结业粥档其实我之前对添财记唔认识,本身又少去九龙城,既然佢就快结业,我就去试下呢间街坊食肆招牌食品当我去到添财记,见到大约十几人o系店外轮候入座,其实俾我想像中少,因为以往有o的老牌食肆快将结业,会吸引几十人排队,等左大约10分钟就轮到我入座,呢o的街坊食肆梗系要同其他人一齐搭枱食野添财记系家庭式经营,唔做晚市,开放式厨房o系近门口位置坐低见到墙上贴满唔同食品名称及价钱,真系花多眼乱,一间舖有粥有粽有炸两肠粉,又有云吞牛腩面,更加有奶茶咖啡多士同埋炸猪排公仔面添可惜我当日最想食o既炸两已经卖晒,另外见到有几张纸话乜野食物饮品卖晒,最后我叫左一碗艇仔牛肉粥$17,另外叫左一碟炸猪扒$18大约等左10分钟,艇仔牛肉粥及炸猪扒都黎左艇仔牛肉粥材料都算足够,有土鱿,猪皮,牛肉,
记得当时新闻话,九龙城一间有65年历史o既添财记就快结业,将会有好多街坊排队帮衬,可能系上天o既安排,去乐园冇得食午餐,梗系叫我黎呢间做埋之后一日就光荣结业粥档
其实我之前对添财记唔认识,本身又少去九龙城,既然佢就快结业,我就去试下呢间街坊食肆招牌食品
当我去到添财记,见到大约十几人o系店外轮候入座,其实俾我想像中少,因为以往有o的老牌食肆快将结业,会吸引几十人排队,等左大约10分钟就轮到我入座,呢o的街坊食肆梗系要同其他人一齐搭枱食野添财记系家庭式经营,唔做晚市,开放式厨房o系近门口位置
坐低见到墙上贴满唔同食品名称及价钱,真系花多眼乱,一间舖有粥有粽有炸两肠粉,又有云吞牛腩面,更加有奶茶咖啡多士同埋炸猪排公仔面添可惜我当日最想食o既炸两已经卖晒,另外见到有几张纸话乜野食物饮品卖晒,最后我叫左一碗艇仔牛肉粥$17,另外叫左一碟炸猪扒$18
大约等左10分钟,艇仔牛肉粥及炸猪扒都黎左
艇仔牛肉粥材料都算足够,有土鱿,猪皮,牛肉,花生,猪皮弹牙,牛肉系o的碎牛肉捞埋炸米粉o个种,花生香脆有咬口,落左少少葱花,o的粥软绵,有米香,食落唔口渴
至于炸猪扒系一款几多人叫o既小食,我觉得一般茶餐厅冇咁多人就咁叫炸猪扒,通常都系叫碗猪扒面,一块猪扒都几大块,切开大约五件,似系捞左吉土粉黎炸,虽然猪扒系雪藏货,佢地整得松脆又好味
当我差不多食饱o既时候,大约3pm见到间舖落闸,原来好多野都卖晒,就连汽水都冇,就算附近有士多便利店可以补给,佢地都唔去买汽水返黎,索性早o的关门唔做生意,冇得食o既客人就要明天请早
一间专做街坊生意o既旧式粥档,餐厅环境及侍应服务只系一般,食物质素算系唔错,但唔觉得十分好食,或者九龙城街坊食开有感情,先会觉得o的野好好食,日后冇得再食好可惜啦!
自从游轮码头开左之后,九龙城o的舖位升值,添财记呢个舖位有三十多年历史,虽然佢地买落个舖位唔洗挨贵租,不过老板见到租出去俾其他人,每月收返黎租金揾得仲多,洗乜咁辛苦每日卖粥粉面,相信呢类故事可见将来会继续出现,迟o的周围都系莎莎药房米兰站呀!
张贴
