川味雞烤魚大王 (大河道)

营业中

休息中

近排食欲不振，辣辣地既滋味系最能够解闷开胃，拜读过多位食友既食评后，就决定带埋阿爸阿妈黎呢度食，顺便逛下久违了既荃湾区。呢度主打正宗重庆菜，睇睇餐牌选择都几多，价钱亦算亲民，对于少食辣既屋企人黎讲，大家心情都好兴奋！先黎一客凉拌豆腐，38蚊，豆腐入口软软嫩嫩，健康有益，香辣味令人精神为之一振，好啱热天食。跟手叹左个招牌口水鸡，例牌价68蚊，呢个就比先前个豆腐辣，鸡肉都够鲜同嫩滑，鸡味十足，又香又麻又辣，但麻得黎又唔会去到苦既程度，令人口水直流，叫得招牌菜点都有一定水准既！叫得做烤鱼大王咁本事，咁梗系要食重庆麻辣烤鱼啦！叫左条游水沙巴龙趸($388)，小辣，阿爸阿妈都好好奇鱼锅系用长方型盘载，而唔系圆型煲，呢D味人地既地方风味啰！鱼系原条上，轻微煎过，上面铺满辣椒，浸左系汤入面。先试啖汤，味道相当香浓，辣之中饮到鱼既鲜味，跟手就试下D鱼肉，都好鲜㖞，鱼肉结实得黎够滑身弹牙。沙巴龙趸鱼既好处系肉多而骨少，连皮食啖啖肉好享受。个汤底真系会越食越辣，唔食得辣既朋友可能拣清汤比较好。份量亦绝不欺场，成盘放满满，成家人都食到咀lam lam。