地道館麵軒

营业中

休息中

钟意食车仔面因为可以拣无数款式嘅𩠌再搭出唔同味道，重点够晒大众化，其中葵涌广场呢间车仔面已经帮衬十几年，只要有机会黎到葵广一定留肚食佢今次点咗咖喱鱿鱼，猪红及卤水鸡翼配秘制汁（辣）同粗面。咖喱鱿鱼仍然无得输，质感软而有咬口，咖喱配得刚刚好。猪红亦是我最爱，夹得起又够滑漏，咬下仲有汁流出。卤水鸡翼大大只刚好入味，不会过老柴皮。秘制酱汁辣度过瘾，一口车仔面一啖冻柠檬茶，正其他𩠌如冬菇、虾条、沙嗲牛肉、萝卜、鸡翼尖、鱼蛋、牛腩都非常值得一试，其他𩠌亦非常有水准。另外，小店茶底非常浓滑，柠檬茶是必点之饮。顺带一提，除左车仔面，小店嘅魔法炒乌冬都非常好味，镬气十足的作品。