十二味麻辣三兄弟 (已結業)

同friend朋友行街，行到六点几攰攰地，谂住去麦记坐下先揾地方食饭，点知见到原来呢度开左，上次响厚礼街食过都可以，咁就入去试下呢间可以嘛。上次厚礼街唔觉得有麻辣烫，但今次都食返上次的麻辣干㶽。在menu 上选十个配菜，再选面。选左木耳，鸡肉，腐皮，鱼蛋等，而面就叫左幼薯粉。 欣赏佢啲配料落得足，真材实料地有几款唔同椒，大大细细发挥唔同功能，有香有辣，有麻等“百辣齐放”,另外有芝蔴，脆口花生同莞茜再令碗干㶽更显生息。口水鸡够滑，调味够而辣度刚好，欣赏佢无乜辣油，唔会肥淋淋，有时唔系一味多就得嫁啦！食完个口麻下麻下，几过瘾。充左一轮电又行多一阵先返屋企。