壽司芳

营业中

休息中

餐厅位于酒店里面，酒店本身并不容易找到。入到去门面格局都OK，服务方面系可以嘅。餐牌上边只有厨师发板两个价钱嘅选择，我同朋友选择咗$2500𠮶个菜单。上菜嘅速度太快，成个菜单20多个项目，唔使一个钟头就食晒。全程同厨师零交流，而且食物嘅款式睇得出系有重复嘅，即系同一件食材，用咗两个唔同嘅方法上菜。而其中有啲菜式就觉得太过求其，好似有一个菜式系叫做鲍鱼汤，其实只系将鲍鱼嘅汁倒入一个小瓶里面，感觉上面似乎系蒸鲍鱼嘅时候静落嚟嘅汁就当作一道菜。而佢嘅鱼生同寿司就有好多筋，食落去嘅时候好难咀嚼。我同朋友到之前已经有其他四位客人喺度食紧，但我哋就发觉我哋嘅菜式上菜时间同佢哋食紧嘅菜式差唔多系同一时间，令我不期然觉得厨师系为咗悭时间，所以喺度赶我哋上菜嘅速度。我唔会话佢啲食物唔好食，不过以二千几蚊一位嘅价钱，我觉得可以有其他更好嘅选择。