影片
更多
2021-12-08
194 浏览
又一间过江龙，本身无谂住专程去试，但𠮶日经过见唔算太多人排队，又差唔多晚饭时间，就决定一试啦。坐低用手机落单，叫咗招牌的肉汁汉堡扒蛋包饭($238) ，同埋慢煮牛肉咖哩饭($178)。店家标榜用近年香港极为盛行的「兰王」来做蛋包饭，放低见到滑蛋真系「兰王」的深橙黄色，但颜色无关味道，最多打卡靓啲，蛋包饭最紧要整体配合。满天星行滑蛋系路线，炒好的滑蛋铺在先炒后焗的茄汁饭上。滑蛋虽然系滑，但剩余的蛋汁不多，做不到蛋汁与炒蛋混和的效果。另外，蛋浆混入了带子粒，视为其特色，份量上一啲都唔孤寒，但我就觉得有啲多余，有无都无所谓。汉堡扒系牛猪混合，有少少煎得太㶶，入面亦都唔太juicy，油香亦欠奉。至于蛋包饭的肉汁吃得出牛味，蕃茄味如果重啲，多返少少酸味会好食啲，不过个肉汁食落无渣，相信经过几细心嘅处理。讲开又讲，我钟意食的蛋包饭，将饭完全包在蛋内的𠮶种，抑或日本桥老店泰明轩的蒲公英蛋包饭，将煎好的蛋放在饭上，然后一刀切开，内里蛋汁流哂出嚟𠮶种，都离不开要有充足蛋汁，捞埋啲饭一齐食，先系蛋包饭精髓。Anyways，返返香港先，另一款慢煮牛肉咖哩饭，牛肉系煮得几腍身，唔错嘅，只不过咖哩汁就有啲失望，
肉汁汉堡扒蛋包饭
1 浏览
0 赞好
0 留言
坐低用手机落单，叫咗招牌的肉汁汉堡扒蛋包饭($238) ，同埋慢煮牛肉咖哩饭($178)。店家标榜用近年香港极为盛行的「兰王」来做蛋包饭，放低见到滑蛋真系「兰王」的深橙黄色，但颜色无关味道，最多打卡靓啲，蛋包饭最紧要整体配合。
满天星行滑蛋系路线，炒好的滑蛋铺在先炒后焗的茄汁饭上。滑蛋虽然系滑，但剩余的蛋汁不多，做不到蛋汁与炒蛋混和的效果。另外，蛋浆混入了带子粒，视为其特色，份量上一啲都唔孤寒，但我就觉得有啲多余，有无都无所谓。汉堡扒系牛猪混合，有少少煎得太㶶，入面亦都唔太juicy，油香亦欠奉。至于蛋包饭的肉汁吃得出牛味，蕃茄味如果重啲，多返少少酸味会好食啲，不过个肉汁食落无渣，相信经过几细心嘅处理。
讲开又讲，我钟意食的蛋包饭，将饭完全包在蛋内的𠮶种，抑或日本桥老店泰明轩的蒲公英蛋包饭，将煎好的蛋放在饭上，然后一刀切开，内里蛋汁流哂出嚟𠮶种，都离不开要有充足蛋汁，捞埋啲饭一齐食，先系蛋包饭精髓。
Anyways，返返香港先，另一款慢煮牛肉咖哩饭，牛肉系煮得几腍身，唔错嘅，只不过咖哩汁就有啲失望，因为我实在吃不出这款是偏向辛口或甘口，咖哩的香料味不太出，有点死咸感觉，而日本咖哩向来较为浓稠（相比起印度咖哩），这里的亦比较稀身，不是我喜欢或食开嘅日本咖哩。
由于我未食过日本𠮶间满天星，难以比较质素，但独立嚟评论，只能话不过不失，加上价钱唔算亲民，可能试过一次就算了。
张贴
