極上千島櫻海景放題 (已結業)

原本谂住同老婆庆祝结婚周年，老婆话想食放题，又咁啱老婆上网见到有呢间海景露天放题，谂住横掂都系放题，试吓无妨，就订位啦，点知由攞位𠮶吓就濑咗嘢，个唔知系咪经理嘅𡃁仔系完全无意识同我沟通紧，剩系㩒张飞俾我就当系俾咗位，要我自己攞住行入去揾人带位，好喇，到坐低咗之后㩒嘢食就重顶瘾，我老婆搞咗成个字个点餐系统都无反应，一系就弹几吓，重要无得取消！！其实食物都唔算太差，一般放题水准啦，不过服务就真系可以讲无限地接近无，啲员工剩系识得粒声唔出咁放低食物，但系系完全无意识收碟，争啲要自己做埋咁滞🤬🤬呢间嘢真系唔会再有下次！！！p.s.最紧要系佢个价钱唔系平，如果系咁嘅价钱，我情愿去酒店食自助餐啰！！！