低調高手大街小食

营业中

休息中

今日七月一日咁放假我就去啲筲箕湾东大街，谂住下午三点四点无咁多人去扫街。其实今日选择去筲箕湾东大街都系因为呢间「低调高手大街小食」嘅鸡蛋仔，太耐无食真系想食下。讲真我由2008年开始系东大街打趸，由「高登炸鸡」、「高登村姑」，见证住呢间「低调高手大街小食」鸡蛋仔开舖。由当初，佢卖紧$12一底原味鸡蛋仔。到呢定$24一底，足足升咗一倍！但我想讲嘅系，今日肥老板休息唔系度，一个中年光头佬，加两个廿岁细路仔企舖！咁一听到就要等30分钟一底鸡蛋仔都痴孖筋！之后我叫个黄金鸡蛋仔，顶！不知所谓，又㶶又盛！$36我买个叉饭好过啦。肥老板，希望你睇到，呢个鸡蛋仔同你初开业果阵，真系唔同咗好多！钱唔系问题，请你做返以前嘅味道。 你咁难食真系迟早做唔住啦。