龍泉冰廳

营业中

休息中

近排因为忙于屋企👨‍🔧装修, 所以大多数都选择系屋企附近简单食。都无特别意欲写食评, 直至上星期因为约左系佐敦做身体检查, 完成后到附近一间叫悦面的小店午餐, 非常有惊喜, 好味, 价钱合理, 员工/老板态度亲切友善, 就后悔竟然一张相都无影帮佢地宣传一下。所以今日就算都只系好似平时咁放工💼到就近既地方晚饭, 我都决定影定相留定底先。我地点左香辣星洲炒米粉, 咖喱猪颈肉意粉, 冻柠茶同🍍菠萝冰。送例汤, 味道正常。咖喱猪颈肉意粉 - 难食, 真系每食一啖都忍唔住皱一下😕眉头, 酱汁是咖喱色加生粉水, 猪颈肉没有先腌, 意粉也是完全无味, 点解唔落少少盐调下味呢。香辣星洲炒米粉 - 呢个好丁点, 起码有味道, 但以一碟正常的星洲炒米去睇, 也是不合格。平时我好少食星洲炒米因为怕辣, 但呢个只有好轻微既辣, 香料份量明显落得好少, 基本上都系盐的味道。菠萝冰 - 呢个最差, 唔系药水味, 根本就系一杯药水, 庆幸我没有叫特饮。老公话呢餐饭唯一可取之处是坐位尚算舒适。食完呢餐, 突然超级挂住红茶冰室的咖喱焗意粉。