發興茶檔 (已結業)

大排档总令人又爱又恨，爱佢嘅风味同味道，但恨佢嘅温度，因为夏天无冷气的确几热，所以我每年都系秋冬先嚟食佢，今年都唔例外，秋风起又系我回味嘅时候，每次指定动作！咖映西多士加冻奶茶! 奶茶唔洗多讲都知充满大排档风味，又滑又够茶味，然后嚟一口新鲜即做西多士配上自家混嘅咖映酱，哗! 咁多年味道都系一样，味道特别又香又甜，西多用两层面包，中间都加有自家酱，唔需要另加牛油或糖浆已经岩岩好，食完无一般西多士嘅饱滞感，钟意西多士人士必试!