喜來稀肉 (已結業)

读大学嘅时候呢度简直系我嘅饭堂，不过返咗工之后越来越少食韩烧，今日突然间经过，同朋友二话不说入去回忆一下大学生活。真心估唔到冇食咁耐，价钱竟然冇贵好多，相比起学生时期，更加可以放胆咁嗌更加多嘅肉正呀。嘢食味道之前已经有一大碟泡菜，同埋普通嘅凉菜俾我哋食，泡菜唔会太辣，亦都唔会太咸，我哋差唔多清晒成碟！炉边嘅蛋汁简直系呢度嘅皇牌！特别系有芝士𠮶边，正到爆啊！我哋叫咗三碟肉，冇谂过份量系咁大㗎，喜来烤肉嘅肉质好好，望落去好鲜红，感觉好新鲜一定一定要叫五花肉，系我嘅最爱，油脂分布平均，秘制酱汁味道好，加埋生菜包埋一齐食冇得弹。以为呢度主打烧肉，但原来韩式拌饭都做得好好食，我哋食晒一个饭啊