亞龍咖喱

营业中

休息中

唔知几时开始，亚龙咖哩由一间变左两间，不过唔系分店黎架，听讲系其中一个伙记变节，所以多左间出黎，千祈唔好去错呀，隔离铺通常都有个人企响门嗌生晒，抢生意，嗌足咁多年。巴基斯坦咖哩响香港我真系冇食过其他铺头，所以话咩叫正宗我真系唔分识，净系知亚龙咖哩系用左大量洋葱既咖哩，以前仲会食到个咀又黄又肿，因为又辣但系又好味，所以次次饮到成肚水先走，不过而家食得少少辣先发现其实一啲都唔辣，就冇再成肚水咁走lu。两个人叫左咖哩鱼同咖哩牛腩，可以跟饭或薄饼。咖哩鱼系仓鱼，时价，结果都要百一蚊，其实都几贵，得三旧鱼，不过好味，鱼肉肥美，好嫩。咖哩牛腩，七八十蚊，牛腩唔韧，几林，不过太多肥膏。咖哩汁全部清晒，因为好好味，不过份量可以多啲，因为食晒啲汁都送唔晒啲饭。