阿一豬扒酸辣米綫

营业中

休息中

西环呢间小店一直系我嘅至爱。仲记得以前喺附近读书，一有时间就会走落嚟食碗猪扒米线，填包个肚先返去上堂。虽然阿一有其他分店，但唔知点解呢间好似特别好食，所以毕咗业几年，间唔中都会特登走返嚟食。店入面只有几张枱，我12点半左右嚟到，好彩唔使等。落完单好快就有得食。猪扒三大块，粗米线非常弹牙，酸辣汤底好香，咁多年都咁好食，水准依旧，冇令我失望不过今次花生就好似淋咗少少，唔够新鲜，可能摆耐咗。加埋杯冻利宾纳，简单满足嘅一餐！