丼吉日式吉列豬排專門店 (朗豪坊)

营业中

休息中

本人绝对系丼吉日式吉列猪排嘅支持者！刚巧路过旺角，见到呢度开咗间分店，我劲开心！心谂以后唔洗去铜锣湾同尖沙咀食，旺角家下都有，所以叫朋友食，又唔洗排队，直入坐低（终于明点解）。我哋叫咗两客招牌吉列猪扒饭再加75蚊一客刺身刺身食下、再叫两杯巨峰梳打冻饮。点知D刺身卖相完全唔得，好似未溶晒雪咁，叫服务员过嚟睇睇，佢哋有礼貌咁同我讲，换过俾我地。换完返嚟，都系感觉麻麻地，我朋友照食（无计）。好啦！主角出场，吉列猪排饭，卖相仍然好好，同其他分店冇分别。点知我一咬落口，waf!!! 点解D猪扒有猪臭味同油益味，再睇下点解咁多黄色嘅肥糕！！根本冇办法吞落去！完全同系其他店嘅味道口感差好远㖞！服务员态度好好，话换过两块俾我地，但系我哋拒绝左佢地好意！你哋作为一间出名嘅吉列猪排店，点解唔做好啲食物品质？！我完全系接受唔到你地差品！呢间旺角分店，我决定例入黑名单，下次唔再去！