茶餐廳2.0 (已結業)

咁大个人都未写过食评，呢间咁嘅垃圾餐厅真系要表扬下佢先得！今日去开愉景谂住喺OpenRice睇吓有乜好餐厅啦，见到呢间餐厅评价都唔错，于是一家人去试下啦，我地叫咗三个早餐，我叫𠮶个鲜茄牛腩乌东，一心谂住好正啦，点知送到过嚟D牛腩汤渣咁，仲要超大旧，我咁大个人都未食过咁大旧牛腩，半只手掌咁大仲要超硬....真系垃圾之中嘅垃圾，做厨做到咁冇心你不如转行啦，难食都算，当你一时失手，我个仔𠮶炸鱼早餐，我地两个大人食完都未到，我老婆问我会唔会漏咗，我仲话可能炸嘢耐D姐等多阵，点知好耐都未到，于是问下四眼疑似女经理啦，点知佢一句达落嚟「等下」，check都唔check下有冇漏，于是又等咗15min再问佢，点知佢扮听唔到......九丈远𠮶个男店员都听到走过黎帮我跟返，原来真系漏咗单！！一肚气！得个男店员似返个人有say sorry，最后埋单又系四眼疑似女经理收钱黑口黑面咁....我心谂我都未黑面呀！其实漏单+难食都真系一个好少嘅问题，最大问题系我问你系咪漏咗 你完全唔check吓，仲要觉得我烦住你咁，希望你改下你D垃圾态度，如果我有你呢D伙计真系等乞米都得！呢间嘢贴钱比我都唔会再食！完